TCH Events‎ > ‎

كۆنفرانسی زانستی نێودەوڵەتی تەندروستی و زانستە پزیشكییەكان بە سەركەوتوویی كۆتایی بەكارەكانی هێنا

posted Aug 13, 2017, 1:51 AM by Media TCh

بەچاودێری د.یوسف گۆران وەزیری خوێندنی باڵاو توێژینەوەی زانستی و بە سەرپەرشتی راستەوخۆی بەڕێز (پ.ی.د.ئالان فریدون علی امین سەرۆكی زانكۆی پۆلیتەكنیكی سلێمانی، رۆژی (2017/8/8) لەشاری پزیشكی فارووق و بەئامادەبوونی ژمارەیەكی زۆر لەمیوانان و سەندیكا پیشەیی و حكومییەكان، كۆنفرانسی نێودەوڵەتی تەندروستی و زانستە پزیشكییەكان بە ناوونیشانی (باهەمووان پێكەوە كاربكەین بۆ باشتر كردنی سێكتەرە تەندروستییەكان لە كوردستاندا) بەڕێوەچوو.
لەو كۆنفرانسەشدا كە چەندین توێژەری نێودەوڵەتی لەوڵاتانی (مالیزیا، ئوردن، بەحرەین) تێیدا بە توێژنەوەكانیان بەشداربوون هەروەها وڵاتانی ئیتالیا و سویسرا وەك دەستەی راوێژكاری بەشداربوون ، ژمارەی ئەو توێژینەوانەی كە بەدەست لیژنەی تایبەتی كۆنفرانس گەیشتبوو (64) توێژینەوە بوو، كە تەنها (29) توێژینەوە وەك (speaker) و (9) پۆستەر پەسەند كراوەو پێشكەش كراوە كە تایبەت بوون بە سەرجەم بوارەكانی زانستە پزیشكییەكان.
لەكۆتایی كۆنفرانسەكەشدا بڕوانامەی بەشداربوون بەخشرایە بەشداربووان، هەروەها لۆگۆی تایبەت بە كۆنفرانسەكەش بەخشرایە توێژەرە نێودەوڵەتییەكان و یەكەم و دووەم خوێندكارانی كۆلێجی تەكنیكی تەندروستی،.
ئەوەی جێی بایەخە بۆ یەكەم جارە كۆلێجی تەكنیكی تەندروستی سەر بە زانكۆی پۆلیتەكنیكی سلێمانی توێژینەوەكانی خوێندكارانی قۆناغی چوارەم و خوێندكارانی خوێندنی باڵا بەشداریی پێبكات.
بەناوی دەستەی راگرایەتی كۆلێجی تەكنیكی تەندروستییەوە بە پێویستی دەزانین سوپاسی شێنێ گرووپ و شاری پزیشكی فارووق و هەموو ئەو كەسانەی هاوكارمان بوون لە بەڕێوەچوونی ئەم كۆنفراسەكە و هەروەها ئەو بەڕێزانەی بە شێوەی سەرۆكی لیژنەی زانستی و ئەندامی لیژنەی زانستی بەشداربوون بكەین.

راگەیاندنی كۆلێجی تەكنیكی تەندروستی




















































Comments