TCH Events‎ > ‎

چه‌ند رێنماییه‌كی گرنگ بۆ خوێندكاران له‌كاتی تاقیكردنه‌وه‌كاندا

posted May 27, 2018, 2:11 AM by Media TCh
وه‌ك ده‌زانین له‌ ئێستادا خوێندكاران به‌شێوه‌یه‌كی گشتی سه‌رقاڵی خۆ ئاماده‌كردنن بۆ تاقیكردنه‌وه‌كانی كۆتایی ساڵ، بۆیه‌ به‌ پێویستمان زانی ئه‌م چه‌ند رێنماییه‌ زاستییه‌ بخه‌ینه‌ڕوو بۆ ئه‌وه‌ی سوودی لێ وه‌رگرن و نمره‌ی پێویست له‌سه‌رجه‌م تاقیكردنه‌وه‌كان به‌ده‌ست بهێنن، رێنماییه‌كانیش ئه‌مانه‌ن:

1-پێویسته‌ خوێندكار شوێنی تایبه‌تی خوێندنه‌كه‌ی له‌كاتی وانه‌ خوێندندا دیاریی بكات و كه‌شێكی ئارام رێك بخا له‌كاتی خوێندنه‌كه‌یدا.
2-وا باشتره‌ خوێندكار له‌كاتی خوێندنی هه‌ر وانه‌یه‌كدا به‌شێوه‌ی (فلۆچات) و دایگرام و وێنه‌ وانه‌كه‌كانی بخوێنێت.
3-پێویسته‌ له‌كاتی ته‌واو كردنی هه‌ر وانه‌یه‌ك به‌ شێوه‌یه‌كی پراكتیزی و به‌ ته‌ركیزه‌وه‌ پێدا بچێته‌وه‌ و هه‌وڵ بدات سوود له‌ پرسیاره‌كانی ساڵانی پێشوو وه‌ربگرن.
4-پێویسته‌ خوێندكار پاش ته‌واوكردنی هه‌ر وانه‌یه‌ك به‌ شێوه‌ی پرسیار و وه‌ڵام له‌گه‌ڵ هاوڕێ نزیكه‌كانی بیروڕا ئاڵوگۆڕ ده‌كه‌ن.
5-وا باشتره‌ له‌كاتی وانه‌ خوێندندا به‌ شێوه‌ی گرووپ بخوێنن و پرسیار و وه‌ڵامی زانستی ئاڕاسته‌ی یه‌كتربكه‌ن.
6-پێویسته‌ له‌كاتی خوێندندا خوێندكار ماوه‌ ماوه‌ پشوو وه‌ربگرێت نه‌ك به‌ شێوه‌یه‌كی به‌رده‌وام چاوی له‌سه‌ر كتێبه‌كه‌ی بێت.
7-پێویسته‌ خوێندكار له‌كاتی خوێندندا شێوازی خواردن و خواردنه‌وه‌كه‌ی رێكبخات، له‌وانه‌ ئه‌و خواردنانه‌ی كه‌ وزه‌ به‌خشن به‌ مێشك و له‌گه‌ڵ خواردنه‌وه‌ی شله‌مه‌نی پێویست له‌كاتی خوێندندا.
8-پێویسته‌ خوێندكار به‌ ته‌واوی به‌گابێت له‌رۆژ و كاتی تاقیكردنه‌وه‌ی، به‌رده‌وام له‌ په‌یوه‌ندیدا بێت له‌گه‌ڵ ئه‌و به‌شه‌ زانستییه‌ی كه‌ تێیدا خوێندكاره‌.

راگه‌یاندنی كۆلێجی ته‌كنیكی ته‌ندروستی





Comments