TCH Events


سەرۆکی زانکۆی پۆلیتەکنیکی سلێمانی هەمیشە لەناو خوێندکارەکانیدا نمونەی باڵایە

posted Sep 16, 2019, 3:44 AM by Media TCh
















زانکۆی پۆلیتەکنیک ئەکادیمیستان و سیاسییەکانیشی کۆکردەوە

posted Sep 16, 2019, 3:40 AM by Media TCh

ئێوارەی رۆژی شەممە (۲۰۱۹/٥/۱۸) لە ئێوارە خوانێکدا بەڕێز (پ.ی.د.ئالان فریدون علی امین) سەرۆکی زانکۆی پۆلیتەکنیکی سلێمانی و ئەنجومەنی زانکۆ، پێشوازییان کرد لە بەڕێز (شێخ لاهور شێخ جەنگی).

راگەیاندنی کۆلێجی تەکنیکی تەندروستی















بە وێنە...

posted Sep 16, 2019, 3:35 AM by Media TCh

سەردانی بەڕێز (پ.ی.د.ئالان فریدون علی امین) سەرۆکی زانکۆی پۆلیتەکنیکی سلێمانی بۆ کەمپی کۆلێجە تەکنیکییەکان و بەسەر کردنەوەی هۆڵەکانی تاقیکردنەوە.

راگەیاندنی کۆلێجی تەکنیکی تەندروستی















دەستان خۆش سەندیکای پزیشکان

posted Sep 16, 2019, 3:22 AM by Media TCh

دوای دەرچوونی بڕیاری ئەنجومەنی وەزیران ژمارە (٥۳۰٤) لە بەرواری (۲۰۱۸/۱۰/۱٦)، ئەنجومەنی باڵای پزیشکانی کوردستان بڕیاریدا راچێتەی پزیشکی لە نۆرینگەو سەنتەرو نەخۆشخانە تایبەتەکان ببێتە کۆمپیوتەری و لە ماوەی (۳) مانگدا دەبێت هەموو پزیشکێک بیکاتە کۆمپیوتەری.

بەناوی راگرایەتی کۆلێجی تەکنیکی تەندروستی سەر بەزانکۆی پۆلیتەکنیکی سلێمانییەوە دەستخۆشی ئەو کارە ناوازەیە لەسەندیکای پزیشکانی کوردستان دەکەین، هیوادارین کە سەرجەم پزیشکانی بەڕێز پەیوەست بن بەم بڕیارەوە لەپێناو زیاتر پاراستنی بەرژەوەندی تەندروستی هاوونیشتمانیانمان، دووبارە دەستان خۆش و نمونەتان زۆربێت.

راگەیاندنی کۆلێجی تەکنیکی تەندروستی



كۆلێجمان و سه‌ندیكا پێكه‌وه‌ له‌خزمه‌تی ره‌وشی ته‌ندروستیدان

posted Sep 16, 2019, 3:19 AM by Media TCh

رۆژی (2019/5/9) به‌ ئاماده‌بوونی به‌ڕێزانی ئه‌نجومه‌نی كۆلێج و به‌ڕێز (هاوژین عوسمان) سه‌رۆكی لقی سلێمانی سه‌ندیكای كارمه‌ندانی ته‌ندروستی و به‌ڕێز ( سه‌روه‌ر عزیز) لێپرسراوی هۆبەی پەرستاری تەندروستی سلێمانی، بڕوانامه‌ی به‌شداربوونی خولی هاوبه‌شی نێوان سه‌ندیكاو كۆلێجمان به‌خشرا.

ئه‌مه‌ش وه‌ك به‌كێكی تر له‌ كاره‌ هاوبه‌شه‌كانی نێوان سه‌ندیكا و كۆلێجمانه‌ بۆ هه‌ماهه‌نگی به‌رده‌وام و زیاتر خزمه‌تكردنی ره‌وشی ته‌ندروستی له‌ هه‌رێمه‌كه‌ماندا.

راگه‌یاندنی كۆلێجی ته‌كنیكی ته‌ندروستی



































وەفدی زانستی کۆلێجمان سەردانێکی سەرکەوتوویان ئەنجامدا

posted Sep 16, 2019, 3:01 AM by Media TCh

رۆژانی رابردوو وەفدێکی کۆلێجی تەکنیکی تەندروستی سەر بە زانکۆی پۆلیتەکنیکی سلێمانی سەردانی زانکۆی تارانی پزیشکییان کرد بە مەبەستی ئامادەکاری بۆ خوێندنی دبلۆمی باڵای یەک ساڵەی پیشەیی لە بوارەکانی (شیکاری نەخۆشییەکان، تەندروستی کۆمەڵ، پەرستاری).
سەرەتا لەلایەن بەرپرسانی پەیوەندییە نێودەوڵەتییەکانی زانکۆی تارانی پزیشکییەوە پێشوازییان لێکراو پاشانیش وەفدەکە لەگەڵ بەرپرسە سەرەکییەکانی هەریەک لە سکۆڵەکانی پەرستاری و مامانی و تەندروستی کۆمەڵ و شیکاری نەخۆشییەکان کۆبوونەوەو گفتووگۆی زانستی چڕیان ئەنجامدا بۆ چۆنێتی هەماهەنگی کردن لە کردنەوەی دبلۆمی باڵای پیشەیی یەک ساڵەی هاوبەش لەنێوان هەردوولادا.
هەر لەدرێژەی سەردانەکەیاندا چاویان کەوت بە جێگری سەرۆکی زانکۆی تارانی پزیشکی بۆ کاروباری پەیوەندییە نێودەوڵەتییەکان و لە دانیشتنێکدا گەیشتنە ئیمزا کردنی رێککەوتنێکی دوو لایەنە بۆ ئەنجامدانی سەرجەم ئەو پسپۆریانەی کە لە هەرێمی کوردستاندا بۆ بوارە تەندروستییە پزیشکییەکان پێویستن و زانکۆی تارانی پزیشکیش لەداهاتوودا دەتوانێت هاوکارو هەماهەنگ بێت، دوای وەرگرتنی رەزامەندی بەڕێز سەرۆکی زانکۆی پۆلیتەکنیکی سلێمانی سەرجەم ئەو پسپۆرییانە بەشێوەیەکی رەسمی رادەگەیەندرێن و خوازیارانیش دەتوانن بە پێی یاساو رینماییە ئامادەکراوەکان دۆکیۆمێنتەکانیان پێشکەش بکەن بۆ خوێندن.

راگەیاندنی کۆلێجی تەکنیکی تەندروستی















زانكۆی پۆلیته‌كنیكی سلێمانی هه‌میشه‌ به‌ره‌و لوتكه‌ هه‌نگاو ده‌نێت

posted Sep 16, 2019, 2:58 AM by Media TCh

رۆژی دوو شه‌ممه‌ (2019/5/6) وه‌فدی ره‌سمی كۆلێجی ته‌كنیكی ته‌ندروستی سه‌ر به‌ زانكۆی پۆلیته‌كنیكی سلێمانی كه‌ پێكهاتبوو له‌ به‌ڕیزان (پ.ی.د.فازل ئه‌حمه‌د محی الدین) و (د.مه‌ریوان عبدالله‌ حه‌مه‌صاڵح) و (د.سالار ابراهیم علی) به‌ مه‌به‌ستی پته‌وكردنی په‌یوه‌ندی زانستی له‌گه‌ڵ كۆلێژه‌ په‌یوه‌ندیداره‌كانی زانكۆی تارانی پزیشكی سه‌ردانی ئه‌و زانكۆیه‌یان كردووه‌.

مه‌به‌ست له‌ سه‌ردانه‌كه‌ش بۆ ئاماده‌كردنی خوێندنی دبلۆمی باڵای پیشه‌یی یه‌ك ساڵه‌یه‌ له‌گه‌ڵ زانكۆی ناوبراودا له‌ بواره‌كانی (په‌رستاری، شیكاری نه‌خۆشییه‌كان، ته‌ندروستی كۆمه‌ڵ) كه‌ وا بڕیاره‌ له‌داهاتوویه‌كی نزیكدا له‌ زانكۆمان بكرێته‌وه‌ به‌ هاوبه‌شی له‌گه‌ڵ زانكۆی تارانی پزیشكیدا.
هه‌ر له‌ سه‌ردانه‌كه‌یاندا چاویان كه‌وت به‌ ئه‌كادیمیستانی سكوڵی په‌رستاری و به‌رپرسانی په‌یوه‌ندییه‌ نێوده‌وڵه‌تییه‌كان و به‌رپرسانی تری زانكۆكه‌.

راگه‌یاندنی كۆلێجی ته‌كنیكی ته‌ندروستی









كۆلێجمان و سەندیكا بەردەوام هەماهەنگن

posted Sep 16, 2019, 2:55 AM by Media TCh

رۆژی یەك شەممە (2019/5/5) كۆلێجی تەكنیكی تەندروستی سەر بەزانكۆی پۆلیتەكنیكی سلێمانی بە هاوكاری لقی سلێمانی سەندیكای كارمەندانی تەندروستی, خولێكی تایبەتی بۆ چۆنێتی دەرزی لێدان و راكێشانی خوێن و دانانی كانیۆلاو چەندین بواری تری تایبەت بە خوێنبەر و خوێنهێنەرەكانی لەشی مرۆڤ بۆ خوێندكارانی كۆلێجی تەكنیكی تەندروستی كردەوە.

ئامانج لە ئەنجامدانی ئەم خولەش پتەو كردنی پەیوەندی زانستی و ئەكادیمی كۆلێجمان و سەنكا پیشەیی و تەندروستییەكان و خزمەتكردنی زیاتری خوێندكارانمان و كۆمەڵگای كوردەوارییە.

راگەیاندنی كۆلێجی تەكنیكی تەندروستی



















خوێندکاران دڵسۆزی سەرۆکی زانکۆکەیان بەرز دەنرخێنن

posted Sep 16, 2019, 2:46 AM by Media TCh

رۆژی یەک شەممە (۲۰۱۹/٥/٥) لە مەراسیمێکدا بە ئامادەبوونی نوێنەرانی گشتی خوێندکارانی زانکۆی پۆلیتەکنیکی سلێمانی، سوپاس و پێزانینی خۆیان ئاڕاستەی بەڕێز (د.ئالان فریدون علی امین) سەرۆکی زانکۆی پۆلیتەکنیکی سلێمانی کرد لەبەرامبەر هەوڵ و ماندووبوونی بەردەوامی بەڕێزیان کە هەمیشە ئەنجامی داوە بۆ خزمەتکردنی خوێندکاران و رەوشی زانست و زانیاری لەهەرمەکەماندا.

راگەیاندنی کۆلێجی تەکنیکی تەندروستی



















1-10 of 226